Istorgias da l’istorgia: «Dar in bun exempel als purs!»

In duair da la Societad Retorumantscha a partir dal cumenzament è quel da promover il rumantsch en tut sias variantas. Ina persunalitad engaschada è stada Giachen Caspar Muoth (1844–1906) da Breil. Il prinzi-poet sursilvan e professer a la Scola chantunala a Cuira è stà commember da suprastanza da la SRR davent l’onn da fundaziun 1885 fin l’onn 1906, pia fin sia mort. A chaschun dad ina discussiun a la radunanza generala dals 30 da matg 1902 ha Muoth rendì palais tge far per spendrar la lingua minoritara grischuna: «Ins sto dar in bien exempel als purs e cultivar il cont ed il teater romontsch.»