In instrument da seperar silbas en texts rumantschs

Sut la batgetta da la Fundaziun Medias Rumantschas (FMR) ha la SRR sustegnì il svilup d’in instrument che separa correctamain en silbas ils pleds en texts rumantschs. Quest instrument facilitescha l’elavuraziun da texts scrits cun il computer ed è accessibel sin la plattafurma Pledari Grond (→ auter incl. separaziun da silbas).

La separaziun en silbas automatica è in pass impurtant per l’ulteriur svilup da l’infrastructura linguistica digitala dal rumantsch. Ella cumplettescha applicaziuns sco la correctura ortografica, l’identificaziun da la lingua, sistems da text-to-speech u curs da lingua sin basa digitala.

Grazia al sustegn finanzial da la SRR ha il project pudì vegnir realisà per tut ils tschintg idioms e rumantsch grischun. Uschia ha la SRR gidà a rinforzar la preschientscha dal rumantsch en il spazi digital ed a promover l’egualitad linguistica.