Publitgar en las Annalas
Las Annalas da la Societad Retorumantscha èn in forum per contribuziuns scientificas e popular-scientificas davart la lingua, litteratura, cultura ed istorgia rumantscha. Igl è pussaivel dad inoltrar artitgels sco era recensiuns.
Premissas
Connex cun il rumantsch:
Las contribuziuns ston avair in cler connex cun il rumantsch.
Standard scientific:
Las contribuziuns ston esser fundadas dal punct da vista scientific e documentadas cun funtaunas.
Originalitad:
Acceptadas vegnan mo contribuziuns betg publitgadas e scrittas en moda independenta.
Valurs approximativas
Lunghezza:
Per regla 10–30 paginas per artitgels, 3–5 paginas per recensiuns.
Lingua:
Rumantsch (idioms e rumantsch grischun), davart excepziuns decida la redacziun.
Formalitads:
Per citats, la bibliografia e la formataziun èn impegnativas las normas redacziunalas.
Inoltraziun e contact
Auturas ed auturs che han interess da publitgar en las Annalas sa drizzan p.pl. a la redacziun. Ils texts inoltrads vegnan examinads da la redacziun e repassads en contact cun las auturas ed ils auturs.
Open Access
Tras la publicaziun sin E-Periodica adempleschan las Annalas da la Societad Retorumantscha ils criteris da Green Open Access. Quai signifitga che tut ils toms da l’annuari èn accessibels senza barriera per in e scadin a partir dad in onn suenter la data da publicaziun.
Las auturas ed ils auturs han il dretg dad archivar l’agen artitgel en il layout da la chasa editura e senza termin da bloccada en in repositori da lur tscherna. En quest cas è da render visibla la funtauna da l’emprima publicaziun.
Tut ils dretgs d’autur:a restan tar la persuna che inoltrescha il text.
